Incentivos á contratación por conta allea e á formación de persoas desempregadas na empresa ordinaria e, especialmente, daqueles que teñen maiores dificultades de inserción laboral. Inclúe catro tipos de axudas compatibles:

1.- Incentivos á contratación indefinida inicial. Para persoas mozas, mulleres, persoas desempregadas de longa duración e persoas con discapacidade ou en risco de exclusión social

2.- Incentivos á contratación temporal. Para os mesmos colectivos do parágrafo anterior.

Proceder á convocatoria, para o ano 2022, dos incentivos á contratación indefinida inicial e á formación de persoas desempregadas, realizadas por persoas traballadoras autónomas ou persoas profesionais con domicilio social e fiscal en Galicia.

Fomentar a incorporación de persoas desempregadas e persoas traballadoras temporais a cooperativas e sociedades laborais a través dos seguintes programas:

Programa I.- Fomentar a incorporación, como persoas socias traballadoras ou de traballo de cooperativas ou sociedades laborais, de persoas desempregadas, persoas traballadoras con carácter temporal e de persoas socias a proba.

Impulsar a creación de novas iniciativas empresariais ás empresas previamente cualificadas e inscritas como iniciativas de emprego de base tecnolóxica.

-Subvención á creación directa de emprego estable.

-Subvención para a contratación de persoal técnico de alta cualificación

-Axuda para o inicio e posta en marcha da actividade

Xerar emprego estable para persoas desempregadas, principalmente entre as mulleres, persoas con discapacidade, e en risco de exclusión social, apoiando o desenvolvemento de novas iniciativas empresariais, con especial atención ós concellos do rural galego: Subvención á xeración de emprego estable; subvención para a formación; subvención para o inicio da actividade; subvención para a conciliación da vida persoal, laboral e familiar das persoas promotoras.

Concesión dunha axuda económica a aquelas persoas desempregadas que pretendan desenvolver a súa actividade empresarial ou profesional en Galicia como traballadoras autónomas ou por conta propia, para facer fronte ós distintos gastos xerados no comezo da súa actividade laboral.

Concesión de axudas ó deseño, da Axencia Galega de Innovación, dirixidas ó financiamento de actividades incluídas no proxecto de deseño para a innovación, relativas ó deseño de produto, de servizos, experiencias, e deseño de marca e identidade corporativa, e estean en liña coas prioridades establecidas na RIS 3 para Galicia. As axudas concedidas no marco desta resolución axustaranse ó establecido no Regulamento UE número 651/2014

Apoio ó acceso do crédito das PEMES , instrumentado mediante convenio de colaboración entre o IGAPE, as Sociedades de Garantía Recíproca, e as entidades de crédito adheridas, que se  desenvolve nas liñas de financiamento específicas seguintes:

1.- Préstamos avalados para o crecemento das PEMES (Reaval crecemento)

2.- Operacións avaladas para o financiamento do tráfico comercial  (Reaval funcionamento)

Subvencións, en réxime de concorrencia competitiva, para facilitar un período de práctica profesional acompañada dun proceso de formación para o emprego a persoas menores de 30 anos, facilitando a súa inserción laboral, e dotándoas de competencias para o emprego, coa finalidade de promover a súa empregabilidade e a retención do talento xoven. Neste programa hai dúas liñas: