O vindeiro venres, 13 de maio, a partir das 10:00 horas, a Axencia Galega de Innovación celebra unha xornada técnica de presentación da nova licitación do Polo Aeroespacial de Galicia coa que a Xunta incorporará novas solucións con vehículos non tripulados para a mellora da prestación do servizos públicos.

O programa de actos arrancará o domingo ás 18:00 h, cando está previsto que membros das corporacións municipais de ambas vilas percorran o último tramo do Camiño de Santiago, partindo desde o Monte do Gozo. Tras a chegada á praza do Obradoiro, os invitados asistirán á misa do peregrino das 19:30 na Catedral compostelá.

Por que Game Jam? Este termo provén das palabras “game” (xogo) e “jam” que fai referencia ás “jam sessions” ou sesións musicais que están na súa maior parte improvisadas. Na Game Maker Jam o obxectivo é a creación de prototipos de videoxogos de forma libre, novidosa e case improvisada. A primeira Game Jam tivo lugar en 2002 da man de Chris Hecker e Sexan Barrett como un evento de deseño e programación de xogos para fomentar a experimentación e a innovación na industria do videoxogo.

A concelleira de Acción Cultural, Mercedes Rosón, presentou esta mañá na Casa do Concello 'Utópicas, arte e territorio', un proxecto para transformar Compostela desde a arte. A presentación contou tamén coa presenza de Clara Rodríguez e Sara Alonso como representantes de 7H Cooperativa Cultural. "Utópicas. Arte e Territorio", é un proxecto producido polo Auditorio de Galicia e deseñado e coordinado por 7H Cooperativa Cultural que reivindica a importancia da cultura para fomentar vínculos comunitarios.

O Secretario Xeral do Eixo Atlántico, Xoán Vázquez Mao presentou hoxe, 25 de abril, o primeiro Informe Socioeconómico do Eixo Atlántico no Auditorio de Abanca de Santiago de Compostela, nun acto presentado polo Presidente do Club Financeiro, Roberto Pereira, e no que tamén interviu o alcalde de Santiago, Xosé S. Bugallo.

Sánchez Bugallo comezou a súa intervención trasladando o pésame e a solidariedade dos membros da Corporación coas familias, amigos e compañeiros dos composteláns e compostelás falecidos a consecuencia da COVID 19, pandemia que obrigou o Concello a "dar resposta ás necesidades máis perentorias da sociedade, e fíxoo actuando en tres eixos fundamentais: apoio ás persoas en situación máis vulnerable; apoio decidido aos sectores económicos máis gravemente afectados; e mantemento dos servizos públicos en circunstancias moi diferentes ás que viñan sendo habituais".

Segundo explicou o alcalde de Santiago tras a xuntanza, o Consello acordou "as condicións para que UNINOVA poida facerse cargo da xestión e da elaboración do proxecto da plataforma loxística de distribución de mercadorías destinado ao casco histórico". Deste xeito, o rexedor confirmou que "está previsto que Uninova se convirta nunha entidade colaboradora do Concello e asuma a posta en marcha da Oficina Técnica para este proxecto".

O Concello de Santiago e a Unión de Cooperativas EspazoCoop veñen de presentar unha proposta de actividades para o que resta do ano 2022 que dá continuidade ao traballo de creación e impulso dun ecosistema emprendedor na economía social. Cun orzamento de 39.000€, esta iniciativa forma parte do programa municipal Compostela Móvese 2022 que pretende apoiar un modelo de desenvolvemento económico local endóxeno cooperativo acorde coa identidade e a historia do territorio.

Este ano a  Maker  Faire Galicia dá a benvida ao mundo híbrido do 1 ao 5 de xuño, tanto no Museo  Gaiás da Cidade da Cultura como na nosa plataforma en liña, nunha edición onde queremos celebrar o reencontro de toda a Comunidade  Maker.

Tras o peche do  Call  for  Makers o pasado xoves 31 de marzo, podémosvos adiantar que para esta edición teremos máis de 60 proxectos de diferentes partes do mundo, moi diversos e cun nivel altísimo. 

O alcalde de Santiago acudiu ao encontro cunha proposta para ampliar o polígono industrial da Sionlla a través do Solo Urbanizable Non Delimitado (SUND) 29, que conta cunha superficie de 40,75 hectáreas. Proximamente reuniranse os técnicos municipais e os do Instituto Galego de Vivenda e Solo para poñer en marcha o proxecto.