Nun contexto económico e social cheo de desafíos, é máis urxente que nunca protexer os dereitos das persoas consumidoras, especialmente de quen se atopa en situación de vulnerabilidade. A Unión de Consumidores de Galicia e Consomes organizan a segunda edición do Congreso Internacional sobre Consumo, que reunirá durante dúas xornadas a máis de 50 expertos internacionais do ámbito institucional, social e empresarial.

A Unión de Consumidores de Galicia (UCGAL) é unha asociación privada que xurdíu a finais de 1988 co propósito de recoller e servir de canle das reivindicacións do conxunto das persoas consumidoras e usuarias galegas na loita por unha progresiva mellora na calidade de vida da cidadanía.